Дэгээ зүүгээр сүлжих гоёлууд

Диваажингийн цэцэгс

Бүх охид дэгээ зүүгээр сүлжиж чаддаг. Тэд сургуульдаа Технологийн хичээлээрээ сүлжих, нэхэх энэ аргыг заалгадаг бөгөөд аяганы уут, жижиг цүнх, хүүхдийн бойтог, бээлий зэрэг эд зүйлүүдийг сүлжиж өөртөө хэрэглэдэг. Дэгээ зүүний сүлжмэл нь хийхэд амархан, материал нь олдоцтойн дээр энэ аргаар төрөл бүрийн хээ угалз, өнгө чимэглэлтэй хослуулан олон төрлийн гайхалтай гоё ганган, уран тансаг эд зүйлсийг хийж болно.

Энэ удаад бид дэгээ зүүний сүлжмэлээр гайхалтай сайхан зүүлт чимэглэл хийх аргатай танилцуулж байна. Та бүхэн эдгээр жишээнээс санаа авч урнаар сэтгэмжлэн өөрийн гэсэн давтагдашгүй бүтээлээ урлаарай.

Материал багаж: Төрөл бүрийн өнгөтэй, мөн саатай сүлжмэлийн утас, төрөл бүрийн хэлбэр, хэмжээтэй шүр сувсууд, гоёмсог торон болон торгон туузууд, жижиг цагиргууд, дэгээ зүү, гар оёдлын зүү, хайч.

  

Сүлжсэн цэцгүүдээ ашиглан төрөл бүрийн гоё ганган чимэг зүүлт хийж болно.